今日多得細佬用不法手段免費入迪士尼試玩, 我搵埋阿駿同 Amy, 仲有佢兩個死黨阿 Paul 同佢女友加埋成夜晚七點先到嘅豬腳, 最可惜 Catherine 同阿賢要返工, 如果唔係就 perfect. 講起迪士尼, 雖然好似人地所講咁好細, 不過都好正!! 我去過東京果個兩次, 除咗面積同少啲嘢外, 都相差唔遠. 今日除咗 Amy 入嚟出咗少少事之外, 都幾完滿, 大家都玩得好開心!! 今日玩咗唔係好多嘢, 又多人又熱, 著名嘅 Space Mountain 我玩咗兩次, 至於壓軸嘅烟花匯演, 簡直全日嘅高潮!! 好多嘢都未玩, 今次我主要係影相, 希望下次可以同家人同 Catherine 嚟玩個夠就正!!
其實住響香港都幾幸福, 治安唔錯, 稅比好多國家少, 又有良好交通網絡, 至少我地嘅地鐵正過美國同日本好多, 而家連迪士尼都有, 你地認唔認同???
沒有留言:
發佈留言