我個人係有啲心理變態嘅, 我唔鐘意自己啲玩具有花有崩, 雖然花咗崩咗係好難避免, 但一旦發生個心係會唔舒服. 我部心愛嘅 K750i (又名 W750i) 唔小心整花咗個面幾處, 於是去咗先達買套殼返屋企自己換, 非常容易, 係吹塵比較煩. 去完先達去旺電見到 Sandisk 1GB MS Pro Duo 透明綠行貨賣 $595, 忍唔住入手. 你地唔好以為我係買嚟比 PSP 玩老翻用喎, 而係比部電話用, 換走張 512MB 裝多啲歌. 至於 PSP, 我都想玩住正版先, 2GB 而家重貴, 遲啲先買. 最後我沉晚響 Yahoo bid 咗個 Touch Musicman 線控, 貪佢控制 MP3 playback 方便同可以用自己 headphone, 我之前部 902sh 配咗個藍色 Panasonic RP-HJE50 in-ear headphone 而家可以用番. 講開 RP-HJE50, 我上星期買咗對新款白色比 iPod. 之前用果對 Shure E3c 雖然好正, 不過成千三蚊唔係太值所以放咗, 之後用番原廠 headphone 發覺唔掂, 未用 E3c 前都唔覺架. RP-HJE50 雖然百五蚊左右, 但以價錢來講有咁嘅音色算唔錯.
沒有留言:
發佈留言