Dopod 838 入手

部機真係好正, 設計一流, 可惜冇乜機會用佢嘅通話功能, 因為我仲想 keep 住部 W750i, 所以開多張 Peoples 卡只用 $128 無限上網 plan. 第一, W750i 真係好用無論介面相機同 MP3. 第二, 部 838 個電話功能我只想用 EDGE 流動數據, 如果冇 EDGE 就算佢個 design 幾正都好, 我不如用返 Dell 或 T|X. 第三, 而家實戰經驗話比我知實在爽爆!! 我試過一路搭巴士講電話一路上 Yahoo bid 嘢. EDGE 速度雖不及 3G, 但都係唔錯, 唔似得 GPRS 咁慢到只可收 email. WM 5.0 啲機可能太新, 有小小問題如 Activesync 有 bug 呀, software 兼容度呀咁要解决. 好彩我之前用 X50v 啲 software 有九成都用得返. 可惜佢用嘅 mini SD card 暫時只有台灣先有 2GB, 唔可以好似以前 X50v 咁用 2GB CF 盡情地裝戲, 不過呢啲都係難唔到我嘅, 我而家麻煩啲用 Pocket DVD Studio 轉片, 其實以前 X50v 睇 rmvb 都要轉, 所以而家例如睇響鬼 download 返嚟都係 rmvb , 反正要轉但而家轉出係一集 25 分鐘 20MB 都唔使, 我啱啱轉咗十零集響鬼返通宵睇, 再加埋最近三部電話啲 snapshot 都仲有三百幾 MB 剩... Pocket DVD Studio 真正, 不過唔可以一次過轉好多 file, 要一個個嚟.