正所謂姣婆始終守唔到寡, 由於價錢實在太吸引, 我最後都係忍唔住入咗 XBox 360. Call Of Duty 2 係我跟機買嘅 GAME.
首先講吓部機先, 體積其實唔係細上一代幾多, 不過外型醒目咗好多, 我買咗個橙色花紋面版換, 好鬼正! 機能方面一粒 IBM 三核心 PowerPC CPU 行 3.2GHz 加最新 ATI GPU, PC 都冇咁勁!! 為咗發揮佢咁強嘅機能, 唯有駁 PC 個 17" 4:3 LCD 芒頂住先, 玩吓玩吓又想換部 20" 16:9 芒因為好多 game 都 support. 另外佢個無線手掣簡直一絕! 雖然用兩粒 AA 電推, 玩 COD 2 開槍果陣震到飛起, 仲有開關機都可以用手掣攪掂哂. 新嘅 XBOX Live Gold 好多嘢 download, 例如 game demo 同 trailer. XBOX Live 加強到無論你打緊機又好做乜都好, 你一有 friend online, 畫面右上角會有通知.
跟住講吓隻 COD 2, 呢隻對我嚟講簡直係天碟, 解像度高又有反鋸齒嘅情況下都勁 smooth, 最重要係佢個氣氛係我玩過嘅 FPS 之中最正, 非 Medal Of Honor 同 Ghost Recon 可比. 音效同電影一樣嘅配樂令隻 game 去到近乎完美嘅境界, 好耐冇咁沉迷一隻同咁欣賞一隻 game 嘅單人模式!!!
買咗番嚟後同我另外兩部 XBOX 玩疊疊樂先!!!
沒有留言:
發佈留言