天意

首完多謝肥仔恆話我知雞爺想買 LCD, 仲有梗係要多謝雞爺收養我隻舊 mon, 交易非常爽快!!

講返隻 20" Viewsonic, 個 panel 真係雞到爆, 唔係硬面之餘, 邊位光暗唔平均, 一玩超過兩至三個鐘就會出現十粒八粒光點, 打去 Viewsonic 諗住佢地上門換先知原來 20" 係包九點之餘要攞走七日去試, 其間雖然會借 mon 比我, 但唔會係相同型號. 頭先托返隻 mon 去買果度換, 諗清楚都係唔用 Viewsonic, 其實之前對呢隻牌子不嬲冇乜好感, 呢次諗住貪平出事. 好嘞! 正想叫店員攞隻 Philips 200W6CS 出嚟試, 發覺佢硬推果隻 Acer 20" Widescreen 樣靚顏色比較鮮之餘又有 AV, S-Video 同色差輸入, 貴啲冇所謂因為第日駁埋 PS3 都得, 不過真係天意試咗兩部一部色溫唔啱另一部有粒光點, 最後都係揀返 Philips. 都係佢穩陣啲, 起碼我之前用過佢嘅 15" 同 17" 都未出過事, 仲有我阿妹同我公司果啲都健在, 正所謂實而不華. 雖然個 spec 冇 Viewsonic 同 Acer 咁好, 同埋駁 XBOX 360 唔知點解用唔到之前部 Viewsonic 果個 1360x768 resolution, 但話哂係 HD 型號. 我對住個 mon 嘅時間仲多過女朋友, 都係買隻好啲!!

補充店員都話 Viewsonic VA series panel 雞, 得個平字.