靈魂出竅

呢排冇乜心情做嘢, 因為下個月攞咗大假去日本, 正所謂未出發先興奮. 呢幾日忙於機票酒店格價, 機票其實都 confirm 搭 UA, 多得小明幫手. 酒店方面希望呢幾日攪掂埋就好. 暫時偏向於住民宿, 想慳多啲錢嚟玩同買嘢. 唔知係唔係就去日本嘅關係, 突然攞番隻 LUNA SEA [REW] 台灣老翻 DVD 出嚟一路睇一路寫呢篇嘢. 咁多年冇睇依然咁正, 好興幸有生之年睇過兩次佢地嘅 live, 最記得為咗睇第一次, 我同幾個朋友天寒地凍響尖沙咀 HMV 排通宵買飛, 真令人懷念... 沉晚我仲響以前睡房攞返張絕版 SUGIZO 海報貼, 真係幾型!! 張海報係以前響新星堂買果支 Edwards Eclipse 送嘅. 諗番以前 visual rock 興盛果陣, 非常沉迷. 我心目中最愛嘅 J Rock band 係 X, 跟住就 LUNA SEA > Laputa > L'Arc-en-Ciel > Penicillin > Glay > Dir en grey. 而家都冇變, 咁多年都仲成日用 iPod 温習架!! 唯一有變就係最崇拜嘅結他手由 Joe Satriani > Steve Vai > John Petrucci > Yngwie J. Malmsteen 變為 JP > YJM > SV > JS. 外國依然至愛 Metallica, Dream Theater, Opeth 同 Depeche Mode.

如果有一日我聾咗真係唔知點算...

除咗電腦之外我最鐘意就係音樂, 尤其定 heavy metal 同埋跟電結他有關嘅音樂, 好似以上至愛結他手嘅音樂外, 仲有唔少得 Gary Moore 同 Carlos Santana. 最後不可不提我勁鐘意揸車, 希望將來可以再擁有一架車. 至於電結他方面, 我年幾前賣哂啲架生, 淨返支 Les Paul Custom 五十週年紀念版, 呢支嘢響 Les Paul model 誕生五十週年出, 即 2002 年, 全球 2002 支, 樣靚聲更靚, 賣咗我會比之前賣果支櫻桃紅色 Epiphone Japan SG 61' Reissue 更後悔. 如果我再玩返結他我都想買返支 SG 61' Reissue, 一支紅色珍珠白 pickguard 配 Fender Lace Sensor 嘅 Stratocaster 同一支同 Ibanez JPM 一樣用 Dimazio Air Norton 加 Steve Special 嘅結他, 仲要有 piezo 嘅.

哈哈!! 發緊夢... 講開結他呢次去日本想去御茶之水睇吓, 上次唔知定冇去到. 不過要去嘅話實會比 Catherine 鬧...