上個月屋企大裝修, 執咗十幾廿隻 Saturn games 出嚟 (九成係正版), 有幾隻真係幾值得回味. 例如 Panzer Dragon 1 & 2, Nights, Clockwork Knight 上下卷, Virtua Cop, The House Of The Dead 同 Virtua Fighter. 尤其是 Clockwork Knight 呢隻應該冇乜人記得嘅 2D + 3D game, 令我好想買返部 Saturn, 因為我果部第一版比咗我細佬玩而家啱知去咗邊... 睇咗 Yahoo 拍賣網一輪, condition 好正嘅又比較貴唔咁值, 平果啲我又嫌殘得滯... 咁啱早幾日 gamehit 二手區有版友放一 set $250 包主機, 兩支原廠 Virtua Gun, Virtual On 專用掣, 原廠軚盤同數十隻老番. 我同果位版友聯絡, 話我除咗 Virtual On 專用掣同軚盤外全部要哂, 但我亦願意照比 $250, 因為太抵!! 沉日終於接咗佢返屋企, 全部仲有盒, 我啲玩具最鐘意儲埋盒, 正! 跟手響好耐都冇郁過嘅 go2hk bid 埋條全新 S-Video 線, 再買多個 switch box, 經過個多鐘頭駁好哂. 部 Saturn 經我一輪清潔而家好靚仔, 呢部係最後一版嘅白機, 遲啲 bid 埋張 VCD 卡同去鴨記配番粒 clock battery.
講開我擁有過嘅遊戲機, 我最鐘意嘅分別係而家最沉迷嘅 XBOX 360, Dreamcast 同 XBOX. 咁啱全部都用 Microsoft OS... 點解冇任天堂同 Sony 份?? 因為我唔鐘意 Mario 同佢果啲 friends... Sony 就除咗 GT 系列, Initial D Arcade Stage, Battle Gear 2, 電車 Go! Final 同 Virtua Fighter 4 Evo 外, 冇乜特別鐘意嘅作品. 點解我選果三部?? 其實我不嬲唔多鐘意 Sony 同 Microsoft 呢兩個牌子, Sony 係 Sony Ericsson 先至有所改觀. Microsoft 就冇乜好, 係錢多同野心大... XBOX 係就係樣衰, 但因為我同時係 Sega 超級 fan 屎同玩電腦 games 大, 佢啲 game 路我幾鍾意, 好似 Doom 3, Panzer Dragon Orta, Out Run, Spike Out, GTA 系列, Ghost Recon 2 同啱啱儲齊一二三集嘅 Splinter Cell. 以上有啲係就係有 PS2 版, 但 XBOX 版靚啲手掣好揸啲. 最重要梗係 XBOX Live 同而家改機後全能嘅 XBOX Media Center (XBMC) 啦! 至於 Dreamcast, 當然係強大 Sega 移殖作品, 仲有佢係 Sega 最後一部家用機. XBOX 360 唔止個 spec 同我夢想差唔多, 仲有佢啲 game 真係幾啱我口味, 你地見我咁短時間買咗咁多隻 games 可想而知. 佢 XBOX Live 仲比以前更正更強更多嘢玩, 真係愛佢愛到死!!
執屋其實仲執咗部 PS 同一堆老番出嚟, 不過駁返就諗都冇諗過. 手頭上得番兩隻正版 PS games 用嚟留念, 一隻係當年護航嘅 Ridge Racer 同美版 Wing Commander 3.
沒有留言:
發佈留言