感動流淚

今日 5 pm, XBOX Live 開始提供春季大更新, 有 125 個新功能咁多!! 首先講吓令我最感動嘅一項, 就係 VGA. 用 VGA 駁 XBOX 360 嘅朋友應該知 VGA 冇色差顏色咁鮮同有層好似薄霧響度, 除咗解像度好過色差外就一無事處. 更新之後 reboot 入 dashboard 果一刻畫面突然一暗, 果陣我都唔知咩事, 跟住我冇用 game 試就出咗街. 響街睇到 Gamehit 同 teamXBOX 討論區先知原來 fix 咗 VGA 嘅問題同用 VGA 睇 DVD 會 upscale. 返到屋企即試!!! 嘩!!! 不得了!! 最衰放咗隻顏色鮮豔嘅 Dead Or Alive 4, 唔緊要仲有隻玩到爛但相隔一排冇玩仲覺得好玩嘅 Ridge Racer 6 嚟試… 嘩!!! 啲顏色靚到吖!!! 係好明顯嘅分別!!! 跟住玩呢排勁煲嘅 TES 4, 兩行眼淚即時直流!!! 真係好大分別呀!!!! 早啲出 patch 就唔使買條 Monster VGA Cable 啦. 點都好不枉我為部 XBOX 360 換隻大靚 mon, 誇啲講直頭好似玩緊另一部遊戲機咁!! 咁啱呢兩個月冇乜合心水嘅 games 出, 玩吓手頭上果啲. 仲有仲有... 我要爆 Call Of Duty 2 被稱為超難度嘅 veteran mode. 雖然不嬲都唔係咁鍾意 Microsoft, 不過呢次一定要講 : “Microsoft 萬歲!!!” 其他有用 update 就要講吓響 XBOX Live download 嘢… 以前 download 嘢唔可以做其他嘢, 而家 download 嘢可以 background 之餘, 仲可以 queue 幾個. 最後一樣對我好有用就係有碟響機度開機可以選入 dashboard 而唔係 auto load games.