微稜烈像對焦屏

不嬲都鍾意用 macro 幫啲新玩具影相, 自從最近影 macro 影昆蟲影到不亦樂乎後, 發覺 macro 嘅精確性要求要好高, 所以將原廠對焦屏改做微稜烈像對焦屏係必然之選. 用過之後真係好正尤其是用 MF 微調準好多! 好好用!

用咗 838 大半年終於講 bye bye, 幾唔捨得不過富實在太悶... 於是入手咗第一部以 Cyber-shot 命名嘅 Sony Ericsson K800i. 叫得 Cyber-shot 就真係 sell 相機. 320 萬像 AF 鏡頭搭 Xenon 閃光燈, 內置傻瓜機嘅場景模式. 螢光幕由 K750i 嘅 1.8" 升級到 2", 解像度係 320 x 240. 用落部機同 K750i 差唔多, 但有些微改良, 而反應又勁爽. 雖然佢内外有九成同 K750i 差唔多, 但唔好忘記佢係一部 3G 電話. 諗返以前用大牛龜 NEC c616 同 Sony Ericsson 第一部 3G 電話 Z1010, 呢部真係傑作, size 細夾齊料, 仲成部 Sony Cybershot DSC-T7 咁款, 仲有樣正係個視像鏡頭藏響聰聽筒附近唔多覺, 唔鍾意就只係用最新最細嘅 Memory Stick M2. 好多人都好關心佢影相嘅質數, 除咗解像度外都差唔多, 至於 Xenon 閃光燈就真係正, 二米內都射到, 不過同以前一樣冇得強制開. 至於 PC 同步, 跟機新版 Sony Ericsson PC Suite 一分鐘無痛將 MS Outlook 嘅 PIM data sync 落電話, 快靚正!!

真係唔服 Sony 嘅包裝同 marketing 都唔得, Sony DSLR-A100 同 K800i 都包裝得好正, 宣傳又勁, 冇得頂! 不過有樣嘢係而家冇 PPC 四圍上網好鬼悶, 唔通又要買番部咁屎忽痕??