紀念

今日係我同 Catherine 拍拖兩週年紀念, 我地去咗我地近來最鍾意去鋸扒嘅地方慶祝, 呢個地方響又一城名叫 Queen's Cafe (皇后飯店). 我地次次都叫五成熟嘅頂級肉眼扒. 其實次次鋸扒都會諗起以前細個爸爸成日帶我地去餐廳鋸扒, 真係非常好嘅節目!! 以前細個都唔知覺得理所當然, 到大個識搵錢同埋同啲朋友傾開大家細個嘅嘢先知原來自己真係好幸福, 爸爸好錫我地... 雖然屋企並唔係話好有錢, 但亦都唔算差, 呢啲都係爸爸叻同錫我地所賜. 我就唔能夠好似佢咁, 所以我唔想有小朋友, 一來冇本事, 二來我唔想生活質數降低, 三來責任太大... 不竞養育小朋友既偉大又唔容易.

講返鋸扒, 近年比較鍾意食烤牛扒多過以前至愛嘅大興餐廳果啲鐵板西冷牛扒餐. 雖然貴成倍, 但好好食好享受, 完全係兩樣嘢嚟.

我地兩個食嘢嘅口味好唔同, 烤牛扒係其中一樣小數相同嘅...