用藝術品嚟形容 FA 43mm f/1.9 Limited 似乎誇咗啲, 但用精品嚟形容就非常貼切. 呢支 FA Limited 至尊三寶之一造工非常精美, 由黑色鏡身遮光罩以至鏡頭蓋都係用金屬造, 攞上手非常之有質感. 成像亦一流, 我買嚟主要係為咗影靚女用. 第二個原因係傳聞佢停產, 據風度老闆李先生講佢來貨比以前越來越少, 加上佢係現時最高級嘅 Limited 鏡 (每月限量生產), 所以係極具收藏價值. 阿賢話唔捨得用個遮光罩同鏡頭蓋喎, 所以配個原廠普通膠鏡頭蓋出街用就算... 我就唔係咁諗, 雖然我都怕花, 但成 set 用先至正! 只係訂咗七日就收貨, 今日終於到手真係開心! 而家只係希望部機廿五號前到就好...
頭先攞我部 Dopod 900 同電鋸部好易通 8600 嚟個合照, 兩部嘅 form factor 差唔多, 不過一部係 Pocket PC 一部係字典機.
沒有留言:
發佈留言