2006年11月15日

天碟第一



一隻 game 可以令一個放棄咗打機嘅人重拾番呢個興趣真係唔簡單!

阿賢頭先上嚟玩咗一陣 Gears Of War, 然後一齊去志蓮淨苑影相, 影完竟然話返我屋企再打過, 仲打到 Catherine 摧我地去食飯佢都唔捨得走, 可想而知佢嘅魔力有幾強!! 可惜阿駿今日唔得閒, 始終同部機緣慳一面...

呢隻 game 其實唔長, 好明顯係有續篇, 可能趕住出嚟頂 PS3. 畫面超班, 真係同 CG 好接近, performace 好 stable, 好少好少地方跌 frame rate. 無論各版場面同敵我雙方人設架生都係精心設計. 仲有荷李活一樣嘅一流配樂配合埋流暢緊湊嘅故事, 電影感重嘅非 CG 播片嘅 realtime rendering 過場交待, 加埋佢由頭到尾都係好似睇西片咁一戲呵成, 版與版之間係冇停住 load 碟計分之類, 簡直同睇緊戲一樣!! 所以一但玩就好難停手, 好難中途停咗唔玩. 我前日就係因為咁差啲覺都瞓唔到... 我用咗四日每日兩個鐘左右就爆咗機! Training 打後都係同鬼仔玩 co-op mission 一齊打到爆機為止. 兩個人玩有商有量勁過瘾, 例如對付第一個頭目 "狂暴女獸人" 就好講求合作性. 正如以前玩雙截龍同 Final Fight 咁, 不過 Gears Of War 仲加入咗好多嘅二人合作原素, 即係有啲地方要兩個人先做到. 二人合作無論用 XBOX Live 又好, 單機上下分割畫面都好, graphics detail 唔覺有減又冇 lagging, 真係超強!! 我遲啲想爆埋瘋狂模式, 不過煲埋隻 Splinter Cell Double Agent 同 Call Of Duty 3 先.

如果叫 Gears Of War 做 XBOX 360 天碟第一一啲都唔誇張!!

放張阿賢部 Nikon FM2 + MD-12 Motor Drive Unit 嘅相, 搭埋我支 Nikon AF SB-24 TTL Speedlight 一齊影. 加咗 MDU 後可自動上片同連拍, 不過就大部咗同重咗. 其實自動上片同連拍對我嚟講用途不大, 尤其是拉雞上片果吓真係好 feel, 不過我同佢講幾百蚊唔爭在入埋變成一套, 用嚟儲都好. 所以我都唔執輸, 今朝響 ebay bid 咗個外觀差唔多全新 (佢話) 嘅 ME II Winder 比我部 Pentax Super Program, $380 連運費全場最平抵到爛!! 賣家已即時寄出, 而家正由法國空運緊過嚟.

沒有留言:

給十年前的我

我估應該都唔會再有人睇呢個 blog... 成差唔多十二年冇再 update 究竟呢十年發生咗啲咩事?我可以話俾大家聽我嘅人生都係一塌糊塗... 我依然都係呢間公司做,最長呢份工做咗到十一二年左右掛,胡呢糊塗由初初諗住做個 hea 霸變咗做個掃把,最近仲轉部門轉咗一個唔使掂飛機...