小事一樁

啱啱睇完以美軍角度所拍嘅 Flags of Our Fathers, 同想像中好大出入, 始終鍾意 Saving Private Ryan 多啲, 可能因為多動作場面嘅關係, 不過兩部片種根本唔同.

前兩日又係因為公司 newsgroup 攪到有啲唔開心, 好彩多得 Catherine 開解令我諗通咗開心返. 首先我想同一啲因為我 snapshot 而不安同不滿嘅同事講聲: "對唔住!". 我只係喜歡用攝影記錄生活點滴, 有睇過嘅朋友都知果啲相只係佔好少好少部份. 有人可能會質疑我居心何在?? 我可以話比你地知係冇!! 如果唔係啲相影咗至少年幾唔會而家先發生呢啲嘢, Catherine 講得啱我問心無愧... 錯就錯在我唔應該將呢啲 snapshot album set 做 public, 因為原來真係會有人攞嚟攪攪震!! 呢方面我應該有責任嘅... 唉... 真係唔想再同果度扯上任何關係, 好鬼煩!!

最後好多謝呢幾日關心明白信任同慰問我嘅同事, 自從喜歡玩戰爭 first person shooter 後就好鍾意睇戰爭片, 每一次睇完戰爭片我都覺得自己好幸福, 最近嘅不快事件比起上戰場殺敵登陸搶灘送死只係小事一樁, 無咩大不了... 起碼而家無論自己家人同朋友都身體健康, 呢個世界冇乜嘢係比健康更重要!!! 而且我唔會因為呢啲嘢而影響到我由細到大喜歡嘅電腦同攝影.

雖然 Flags of Our Fathers 冇想像咁好睇, 不過都會睇埋下半部同樣係講硫磺島戰役以日軍角度所拍嘅 Letters From Iwo Jima. 導演奇連依士活話呢兩套片係唔想拍到以前果啲咁有正邪之分. 睇咗呢套戲嘅朋友可以睇吓呢度, 有套戲片尾主角嘅真人相睇.