身份

攪咗澳門永久居民身份證都有大半年, 聽爸爸講之前程序出錯所以處處碰釘. 呢次唔同, 今日終於可以影埋相打埋指模攪掂哂, 月尾有身份証攞. 當初響果度住咗咁耐點解唔攞埋先返香港係因為冇諗過佢好似而家強勢, 當然而家攞係唔排除將來會有機會過去發展, 況且我本身夠資格點解唔攞? 而家澳門莫講話賭業, 連旅遊業都攪到有聲有色. 同香港唔同, 佢地可以攪到啲古蹟被聯合國列入世界文化遺產, 呢樣在於半個澳門人嘅我嚟講真係不得了!! 反觀香港連半個世紀嘅天星鐘樓都保唔住... 我打算下次同阿賢以世界文化遺產為主題影相, 老實講有部份文化遺產細個果陣成日都經過, 你地知澳門幾細架啦!

過去攪証只有短短六個鐘, 因為我放得一日假, 不過都唔會錯過影相嘅機會, 今次只係帶支 ultra wide 咁大把. 圖中所見係新葡京酒店, 爸爸話佢老細亦即係何生猛谷工程要下面賭場今個月開張, 仲請埋澳門金沙嘅 CEO 過檔管理. 當中聽講工程趕工似乎有少少壓力, 但我同佢講下個月都退休, 唔好咁辛苦, 但佢老人家話要好頭好尾光榮引退咁話... 我好鍾意澳門, 正如以前都講過我當佢係鄉下, 但始終唔鍾意佢地方少而越嚟越多人, 最唔好就係名勝同香港一樣太多遊客, 阻住我影相!! 真討厭!!

另外 download 咗美版 GT2, 不過我唔鍾意速度單位用 MPH, 日版又冇 seed. 唔緊要!! 我上 ebay bid 咗隻日版, 只係 $110 左右連郵費, 反正成個 GT series 我只爭呢隻. 成日上本地拍賣網都搵唔到, 最後都係拜訪 ebay.