Sony Ericsson 嘅電話用到有啲悶, 見到 Nokia N95 真係想換!! 個 spec 正到眼都凸埋... 我自 Nokia 8210 後都冇用過 Nokia 嘅電話, 主要係佢地呢幾年多數出埋啲懶型但極樣衰嘅款. 啱啱出果部 N93i 又靚又正, 可惜 image quality 一般同冇 A2DP. 兩部身價都過 $6000, 真係甘!! 自從買咗跌價跌到飛起嘅 K800i 之後, 個人突然醒覺唔想再投資咁多落 gadget 度, 覺得好嘥錢. 思前想後都係投資啲保值嘅嘢度, 即係好似人地玩表咁. 於是早兩個星期響新永成現兜兜比咗 $500 訂咗至尊三寶之首黑色 Pentax FA 31mm f/1.8 AL Limited, 諗住代替 FA 28mm f/2.8 AL 成為常用 snapshot 鏡. 阿賢都定咗, 佢排第一我第二... 而家呢支鏡連日本都缺貨, 我諗我至少要等兩個月, 我已經放咗支 FA 28mm F2.8 AL 等待呢支極品, 好心急!!
奇在永成不嬲唔肯收訂金但呢次撞正個店員肯幫我地做, 我地堅持唔去之前提過紅磡廣場果間風度訂, 因為果間嘢只係老細吹水叻, 攪到人有錯覺佢地服務好好, 自從阿賢部機有 front focus 問題冇七日一換一先知原來佢地售後服務係零, 不知所謂!! 當初都係聽 dchome Pentax 版某啲版友吹捧呢問間嘢所以奶咗嘢. 奉勸各位買嘢都係去國美百記呢啲大行買穩陣啲.
-
下年派利是, 今年當然一定要搏盡!! 額頭寫住 "厚顏無恥" 四個字, 響機場到處恭賀大家, 舊公司更成重災區!! 結果成績破哂咁多年嘅紀錄, 勁呀!! 利是真係開心, 派利是都應該係, 至少第一年派係掛... 我估... -
我估應該都唔會再有人睇呢個 blog... 成差唔多十二年冇再 update 究竟呢十年發生咗啲咩事？我可以話俾大家聽我嘅人生都係一塌糊塗... 我依然都係呢間公司做，最長呢份工做咗到十一二年左右掛，胡呢糊塗由初初諗住做個 hea 霸變咗做個掃把，最近仲轉部門轉咗一個唔使掂飛機...
-
唔講咁多!! 去片!! 製作人訪問: 連結 Actioncorp.net video game 簡介: 連結 G4TV 簡介: 連結 Gamespot 簡介: 連結 日與夜變化: 連結 遊戲公司官方影片示範, 如果對隻 game/XBOX 360 有興趣, 強力推介一看: 示範...
沒有留言:
發佈留言