之前提過響新永成訂咗黑三一, 沉日終於歸我所有, 不過呢次係響尖沙咀天祥攝影器材公司買. 事原係有 dchome 版友響前晚十一點左右報料話天祥啱啱返咗兩支黑三一, 於是我沉日十點零起身開始打電話打到天祥, 打到十一點三啱啱開舖叫佢地留支比我, 好彩佢地又肯! 我即刻落去十二點九到達得我同一個 Canon 友買嘢, 店員幫我 keep 起果支點知有幾粒塵我梗係唔要, 試第二支就 perfect!! 到我走果陣都未見有人嚟買另外果支, 仲有店員話好彩我早打去, 另一支已經留埋比人 (應該冇我咁早打去), 好彩版友咁夜先報料, 如果響點五零六點出 post, 呢兩支又點過到夜. 咁啱我沉日又 dayoff, 可以一早去買又有得揀!! 簡直天時地利人和, 整定我有新鏡過年!! 事後有人打去天祥問已經賣哂, 當時有兩個我諗應該又係版友聞風而至一齊到達, 仲爭住買, 過程有冇火藥味就真係唔知, 但真係幾痴線, 好似唔使錢咁...可能大家都好好奇點解咁誇?? 響 Pentax 圈子現時能夠買到最高級嘅就係呢三支所謂至尊三寶嘅 FA Limited 定焦鏡, 佢地有銀色同黑色, 黑色比銀色更搶手因為多數人鍾意黑鏡襯黑 body. 由於代理捷成洋行每次返貨得幾支, 呢三支通常一到貨就見光死. 呢三支鏡特別之處係每個月限量生產以保持質數, 所以叫 Limited. 仲有除咗成像極佳外, 鏡身係全金屬製造, 款色同日本 Contax G 系列 同德國 Leica 差唔多. 攞上手果種質感令人愛不釋手, 尤其是我呢次呢支 31mm 同未買果支 77mm 鏡身有粒綠色景泰藍, 簡直係一件精品. 景泰藍響日本叫七寶燒, 用得七寶燒即係珍貴嘅意思. 至於點解啲焦段會咁騎呢如 31mm 43mm 77mm, 完全同其他日本廠唔同?? 據講係呢啲焦段係鏡片組最佳優化出嚟, 另一講法係好耐以前 Pentax 同 Leica 合作過所以會有啲類似歐洲鏡嘅焦段.
ebay 果隻日版 Gran Turismo 2 亦都到埋, 原來係響北海道札幌寄出, 真係好想再去!! 返到屋企即刻將其中 Simulation Disc 轉 ISO, 然後用 Google search 隻 game 啲圖片自己 crop 埋做 PSP menu 中遊戲 preview 嘅 icon 同 background. 最煩係 preview 嘅 BGM 一定要用 Sony 嘅 AT3 音樂壓縮檔, 呢樣嘢我搵咗一陣料先解決到. 最後攪掂哂做到原裝 game 一樣, 雖然唔難但真係有少少滿足感!! 呢隻 game 我好鍾意, 所以好想整靚佢!! 仲有我次次想做一樣我唔識嘅嘢, 都好享受上網搜集資料同做嘅過程, 可能我一向喜歡呢啲嘢做起上嚟會特別投入甚至廢寢忘餐.
2 則留言:
恭喜晒！祝你快D買埋支77。
31mm，約莫等於全幅菲林機的46mm，屬於「標準鏡」的範圍，以前我們影相注重明顯一點的perspective效果，多數拎 35 + 85，一支風景，一支人像。
那支隨機的「標準鏡」，光圈大、成像靚，但多數是買機之後放埋一邊好少用。
諗落都唔係幾正確。
我都嫌 31mm 落 digital 唔夠 wide. DA21 就正, 可惜光圈唔夠大.
話時話, FA 鏡睇個勢可能今年會玩完, 因為段段都有 DA 鏡代替品, 都係快啲入埋支黑七七先.
發佈留言