話說部 Sony Ericsson K800i 同 Dopod 900 用咗都成七個多月有啲悶, 身痕輔少少 trade 走部 Dopod 900 換咗呢部日版 Dopod 838 Pro. 之前話過唔再揼錢買 gadget 最後都係忍唔住, 呢次好少少冇以前輔咁多, 叫做收斂同進步咗好多, 不竟毒瘾係要慢慢戎...用慣大 screen 用返細真係頂唔順, 仲有 keyboard 掣又少咁多, 都係 Dopod 900 好用啲!! 講吓優點就係細部同外型靚仔, 仲有類似 Sony 嘅 Jog Dial 裝置, 當然唔少得想用但勁貴嘅 3.5G 高速傳輸啦!! 最近 Sony Ericsson 部 P990i 終於出香港繁體版, 入呢部 SoftBank X01HT 前都有諗佢, 尤其是佢大劈價到 $4380, 同埋記得年幾前公佈真係勁期待好想一出即買, 最可惜香港繁體版咁遲出, 當年咁強嘅 spec 而家真係 out out 地, 我諗呢個係劈價主要原因!! SoftBank X01HT 同佢只差幾百, 最後揀 SoftBank X01HT 係因為 Windows Mobile 普及啲同 micro SD 比較平, 最重要係 P990i 個 Symbian UIQ 3.1 都仲有啲 bug, 唔想煩... 一陣計計吓油數先死機就大鑊!! 除咗呢部都仲有諗其他牌子嘅 PPC 電話, 不過人窮就唯有價性比行先, 呢部 SoftBank 就係最佳選擇. 之前買果部行貨 Dopod 838 因為水貨攪到二手價插水, 呢次幾大都買水貨, 而家水同行而家係差 $2000 兼水貨型好多.
最憎就係裝返啲 software, 攪咗幾粒鐘, 仲要攪死 registry 要 hard reset, 好彩攪 registry 之前用 Spb Backup 備份咗先唔使重頭再裝過!! 真係醒!!
沒有留言:
發佈留言