在心中

第二次睇受難曲係啱啱響 Star Movies, 同睇第一次一樣睇到淚流滿面. 老實講近年嘅聖誕節同復活節我只係當佢係公眾假期. 今次響復活節睇受難曲先令我醒起背後嘅意義... 我對自己嘅信仰可以話好矛盾, 一方面我覺得做一個基督徒好辛苦, 我選擇做一個 "普通人" 所以從來都冇主動同人講我係, 費事有辱基督徒個名. 另一方面, 我依然信靠神, 我將所有嘢交託響神嘅手中, 我相信好多嘢係神嘅指意, 我亦都相信我生活上有好多嘢係神安排好, 如果唔係根本唔會咁啱. 不過就係冇心再返教會, 可能未係時侯... 呢次睇完受難曲令我再諗吓需唔需要再返??? 有時都好想見吓潘牧師同潘師母, 真係好多年冇返去...

最近有好多藝人口口聲聲話自己信咗耶穌, 邊啲真係信邊啲掛羊賣狗肉一睇就知, 每次見到呢啲人都覺得不知所謂, 信耶穌唔使成日掛響口唇邊嘅!!