海傑想攪滾局都成個幾月, 今日終於攪得成! 地點係大角四菩提街嘅永豐海鮮火煱. 果度我地之前未去過, 都唔算難搵, 佢其實響正旺角街坊福利會斜對面. 一去到直頭比果度嘅環境嚇親, 殘舊同唔太乾淨咁, 店員又只有三個阿姐, 好多嘢都要自助. 據講呢間嘢出名番茄薯仔紅衫魚湯底, 仲有非常新鮮嘅八爪魚生蠔等等海鮮, 特別係八爪魚, 隻隻都好生猛, 一碟兩隻切開一條條仲識郁兼吸住哂隻碟, 我仲忍唔住生吞兩條觸鬚, 想感受一吓比吸盤吸住條脷嘅感覺. 最後班同事一行八個大男人埋單只係 $90 左右認真抵! 不過佢地有部份以乎對個環境有啲不滿, 所以下次未必會再嚟.
沒有留言:
發佈留言