進入 Middle-earth

今朝一起身就衝出黃金, 目的地係阿權間 game 舖. 講開呢間 game 舖, 我從中一玩 Apple II 同中五玩嘅 Commodore Amiga A500 已經幫襯佢, 數吓數吓大大話話都有成十幾廿年. 我去到只見到佢靚女伙計響度, 我冇叫佢平比我但唔知係唔係認得我定佢以為隻 Pre-order box 已經 expired 咗冇用, 原本賣 $40 但佢跟 game 送比我, 我仲諗住香港冇焗上 ebay 用二百幾三百蚊 bid 添!

呢次買 The Lord of the Rings Online, 最主要見到有 Pre-order box 先會入手... 點解? 因為 Pre-order box 條比 open beta 玩家正式推出前試玩嘅 beta key, beta 玩家響隻 game 正式推出後頭一個月買完全版 join plan 就有特別優惠, 過咗頭一個先 join 就冇兼唔會再有! 第一樣優惠係你創造嘅角色有兩件獨有 items, 仲有第二樣就係我最想要嘅月費優惠, 月費優惠係由原本每月 US$14.99 變成每月 US$9.99 直到你停玩, 又或者 US$199 永久一世唔使再比. 我鍾意魔戒, 響第一集上畫已經夢想有佢嘅做主題 MMORPG, 可惜之前只出過好玩嘅動作同戰略... 而家到真係有就 MMORPG 梗係去盡佢買永久會籍. 雖然隻 game 啱啱先出一炮過比永久會籍好冒險, 但我好有信心隻 game 會攪得好好, 是關魔戒響外國咁出名, 點都會攪好佢!! 仲有永久會籍有樣好就係好似 Guild Wars 咁鍾意幾時玩幾時停玩幾耐再玩都得.

至於 comment 就冇乜, 我只係一口氣打到 level 3, 好多嘢都未識. 而家只可以講畫面好正, 雖然唔夠 Oblivion 咁勁, 起碼正過 Star Wars Galaxies 好多!! 用我部新伙伴行 1366x768 max detail 關 AA 都順, 玩法同 World of Warcraft 比邊個好就唔知因為未玩過.

去黃金順便買隻 WD 160GB harddisk 來 backup 部 notebook 第一隻裝 system 嘅 harddisk. 本來都用早排買果隻薄鋁 combo harddisk enclosure, 不過費事換來換去折來折去, 所以買多隻第二隻牌子嘅鋁 enclosure, 平啲型啲只係 USB 2.0 only... Backup 真係好重要架!!! 至於陪咗我五年嘅 desktop 終於 pack 起收埋咗光榮引退...