屢敗屢戰

Great Barrow 係 The Lord of the Rings Online (LOTRO) 第一個要打嘅 instance, 佢位於 Barrow-downs 嘅南面, 裡面幾大仲有啲似迷宮, mobs 大部份係 elite. Quest 方面有五個, 其中兩個係 chain, 換句話至少要入去兩次... 我就已經入咗不下五六次, 頭幾次做都係失敗而回, 其中兩次最令人沮喪係 An Ancient Story of Evil 呢個 quest, 之前已經打過三次, 次次都響第一個 boss 全軍覆沒. 頭先又再組隊好好彩先至完成. 之前頭兩次失敗主要唔夠 teamwork, 頭先組果隊就好掂!! 掂唔係個個 level 高, 而係 teamwork 好重要, 詳細多唔講. 有段小插曲就係呢次波折重重, 隻 game有 bug 累事... 事源第二個 boss 打第一次差唔多死果陣比佢迫我地出咗佢間房, 點知個 system reset 到佢變返未打果陣滿 hp, 成九千幾!!! 我地 fellowship 六人 hp 加埋都冇佢咁多!! 於是打第二次打打吓佢無啦啦定咗唔識郁, 我地個個 combat mode 變唔返 normal, 出 instance 又唔得, 焗住要 log out 再 login 至得... 個個都唔甘心變咗又要重頭打過. 最後憑住我地屢敗屢戰嘅精神終於比我地擊破, 可以話係我玩咗差唔多成個月最正嘅 fellowship!! 成功後返去 Bree-Town report 比 NPC 點知原來佢仲有個 Evil's Final Chapter 要返多次 Great Barrow, 呢次仲要再難啲... 真係死咁滯!! 次次入 Great Barrow 冇兩三個鐘都唔使指意出嚟, 好費時... 據聞 North Downs 個 instance Fornost 四個鐘都未完, 仲要難 Great Barrow 好多...

啱啱又睇醫生, 呢次係第四次, 救命...