無意中搵到呢張相, 相中 model Helena Christensen 手執黑色 Contax G2, 型到爆!! 據說 Contax G series 同 T series 都係 Porsche Design Group 設計, 雖然黑色型爆, 但我都係鍾意原色鈦金屬多啲, 襯番部機高雅啲嘛!!第二筒菲林打完, 都係炒咗幾張, 呢次主要有幾張有焦點唔準嘅問題, 我都仲諗緊點解... 始終未完全熟習部機嘅測光同 AF 特性... 我有懷疑係最近對焦距離, 因為焦點問題果幾幅咁啱就係響 0.5m 左右影... 始終 RF 似乎唔可以 SLR 咁近, 但我見佢 focus lock 到就照影. 點都好期待下一筒用 Agfa Ultra 100 嘅色彩同 handle 得部機更加好!! 部機同菜屍鏡咁正真係想好好咁運用, 影多啲靚相, 唔好浪費!! 另外響 ebay bid 果條原廠酒紅色皮頸帶原來前日已經由義大利空運到港自己都唔知, 聽朝收工去郵局攞!! 好心急好緊張!!!
沒有留言:
發佈留言