雙喜臨門

同新公司簽約跟手辭職, 呢單嘢都攪到我心掛掛好耐, 而家終於攪掂! 人工仲比意料高, 真係幾開心!! 真係要多謝神阿媽阿妹 Catherine (日哦夜哦) 同新公司幫過我手嘅朋友 (費時開名)!!

簽完約第一個指令就係訂鞋同造制服, 自從初中響金錀造校服外都未試過度身訂造, 感覺 tailor made 好 high, 但其實新公司係我做過規模最細嘅一間. 第二個指令要即刻報考重型車牌, 呢方面會積極啲因為攪掂揸埋拖車每個月多 $800 allowance!! 考到個牌係自己, 必要時第日唔做 mechanic 轉做揸拖車, 以而家舊公司嚟計揸拖車人工仲高, mechanic 真係得個名好聽...

今個月搵到新工人工大躍進, 東涌層樓啱啱又供完可以贖契, 都算係雙喜臨門!!