偶遇

天氣涼踩車水都可以飲少!!

今日入大尾督咁又撞到上次架 Venzo MV1, 我扒頭時同佢打一打招呼, 事關我地響 discuss 單車版 度相認, 跟住又到忠誠度食冬蔭功肥牛湯河, 正到連湯都飲埋. 之後上堤壩又見到架 Venzo, 於是同車主傾陣車經, 交換車踩陣, 分手後我就踩到堤壩尾, 竟然見到成日見釣魚發燒友驚人收穫, 原末來果度係可以釣到咁大魚!!! 踩返堤壩頭見到有位叫 Irene 靚女一個人放狗, 果隻狗隻玩具咁好得意, 佢係啡色貴婦狗, 個名叫 Be Be, 好行貨!! 可惜佢過度活躍影唔到相... 玩玩狗之際突然見到電鋸阿飛同阿榮響身邊經過, 於是我地一齊踩返出去大埔度分手歸家, 佢地就約 Richard 響大埔食飯.

踩車遇到人同事真有趣!