壯觀

收工又唔瞓出車, 踩到大埔竟然撞到未來外父響海濱公園跑步, 陪咗佢一陣繼續入大尾督. 今日景色特別靚, 巨型咸蛋黃同時加十幾隻風崢響天上, 好鬼正! 可惜只有手機記錄低... 回程響吐露港漫遊撞到啱啱離職之前間公司嘅阿衡, 我地約定聽日踩去上水.

返到屋企沖個涼再出荃灣行街, 順便買埋電視, 最後揀咗部 37" full HD LCD TV, 星期二送貨星期六裝機, 一諗起個位同啲線有排攪好鬼煩! 雖然呢次被迫換電視, 但當諗起 XBOX 360 經部新電視出 1920 x 1080 黃金解像度都幾開心幾期待!