罕物

最近有人話我好貪心... 諗諗吓又好似係, 因為我鍾意嘅嘢一定至少打孖上, 相機遊戲機電腦電話甚至最近嘅單車都係...

諗深一層其實我只係對我鍾意嘅嘢有要求啫, 呢個世界冇完美嘅嘢嘛!!

之前所提過嘅二號車嘅候選名單最後竟然全部被叮走, 爆冷出嚟嘅竟然係一路都有興趣而又冇諗過買嘅 Pacific Reach Racing 嘅 Louis Garneau OEM 版 Louis Garneau MV-F 再改 road bike 頭, 完完全全同 Reach Racing 一模一樣, 仲要 Louis Garneau MV-F 係日本內銷版, 所以響香港係非常罕有, 買到佢真係機緣巧合, 真係可遇不可求. 響街上撞款嘅機會幾乎係零!! 呢部車可以話係混種或者算係 cyclocross 嘅一種. 睇返之前二號車嘅候選名單, 最接近呢部二號車就係 08' Dahon Jetstream XP, 但二號車車身係冇摺位, 剛性較強.

而家佢正響單車舖等零件, 其中最甘果件係被稱為聰明避震嘅 Fox Float RP23, 由於唔想第日心思思, 所以索性一步到位!!

等攪掂哂先再詳細介紹迷一般嘅二號車...