成功感

好耐都冇試過咁用心去做一件事而又好成功, 果種感覺真係...

話說呢次學車個過程唔太 enjoy, 第一係為工作而唔係為興趣, 第二就係個師傅太嚴肅... 雖然係咁, 自己成日同自己講自己咁鍾意揸車應該要好好咁 enjoy. 之前都講過師傅對我手車 comment 唔好, 一錯就會話我考唔到, 又話我離考牌合格水平差好遠. 所以預咗衰硬嘅心情括出去咁去考, 當然唔係代表放棄, 只係冇乜壓力咁解.

上到車考果陣, 師傅批評我果啲嘢如少望鏡同成日揸得太埋路邊等等響腦海出哂嚟, 仲有可能成日諗住肥, 反而令自己遇到突發事時更振定. 想澄清一吓, 預咗衰並唔係等如對自己冇信心, 其實我係好比心機同盡力去考呢個試, 加上少少運氣, 返到試場等 result 時都幾有信心, 因為自己知道自己表現係超水準, 表現係比上咁多堂揸得更好. 唯一個擔心係比第二架貨車突然抽出嚟攪到我停得較急, 不過我都拉返手掣入返個一波再起步, 一啲緊張都冇!

結果我係合格!! 師傅仲以為我同一齊叫名攞 result 果個人掉轉咗, 激死!!

最後好多謝支持我嘅爸媽同朋友, 容師傅嘅嚴厲教導. 返到公司學埋推飛機後, 人工又會有所增長, 增長幅度雖不致好多, 不過都等如加幾次人工咁滯, 實在太好!!