還魂重生

二合一呢個計劃一啲都唔難, 有砌機經驗就掂.

整個過程都算幾順利, 所有零件如新 display card, RAM 同 120GB HDD 順利安裝, 只係有個小問題就係 USB 2.0 卡撞 IRQ, 攪到成日 boot 唔到機, 多得多年砌機經驗好快就 troubleshoot 到. 然後就係過返 iMac G4 嘅 RAM, DVDRW, Airport card 同 HDD 去 PowerMac 度. 由於 PowerMac 認唔到 iMac 隻 300GB HDD, 所以打算將佢裝響 firewire enclosure 度裝 MP3, PowerMac 就用新高登買果隻二手 120GB 做 system, 原本隻 80GB 做 BT. 原來 plan 咗部 Samsung 22" LCD 最後變咗 Acer X222W, spec 冇 Samsung 咁強同咁新, 但勝在外型一樣咁靚同三年上門包零死點, 最重要就佢個 CrystalBrite 鏡面令顏色鮮好多. 經過一輪 Carbon Copy Cloner 系統轉移後, PowerMac G4 dual 533MHz 同 iMac G4 就成功二合為一, 手術非常順利. Performance 方面尚算 OK, 533MHz 雖然行 dual, 不過 clockspeed 唔方面始終差少少, 但都已經比以前 G4 800MHz 爽. ATi Radeon 9700 Pro 雖然都係幾年前舊 model, 但行 2D 推 1600x1050 都唔吃力. 至於 USB 2.0 卡用 USB 手指過嘢又快, 最重要係新款 iPod 如我好想買嘅 iPod touch 已經唔再 support firewire, 而家有 USB 2.0 簡直一流, 不過我想等第日出 64GB 或以上先會入手.

最後都有睇過末代 G4 Freescale PowerPC 7448 升級方案, 價錢唔平唔化算, 但以前教主 Steve Jobs 太過神化 PowerPC, 始終都對 PowerPC 有情意結, 加上細個果陣已經覺得 Motorola 68000 好勁, 所以覺得同 PC 一樣嘅新 Mac 冇個性冇特別. 睇中咗單春嘅 NewerTech MAXPower G4/7448 2.0GHz, 係就唔夠 Intel 嘅 Core2Duo 勁, 但我部 HP notebook 已經用緊 Core2Duo, 想部 Mac keep 住用 PowerPC, 我諗未來 Mac OS 10.6 都仲 support PowerPC 掛... 部機唔死好似而家當 server 用同上網用多五六年應該冇問題.

部機真係唔錯, 只係唔鍾意個款... PowerMac 我最鍾意係 Quicksilver, 其次先到 PowerMac G5 同而家個款. 最後, 細佬似乎好緊張部機, 今日打比我同 MSN 我好多次問我部機攪成點... 放心! 落響我手只會比以前更強更好用同更有用!! 因為我係電子神童!!