一連放咗四日假, 雖然冇乜好攪, 都好 enjoy, 呢排成日放假攪到個人越來越懶!! 特別係今日應該返早, 沉日落雨落到今日都冇乜點停, 今朝仲黑色暴雨警告, 到處水浸得好嚴重, 山泥傾瀉仲攪到青嶼幹線全線封哂, 咁耐以嚟第一次, 機場航班梗係亂到九彩, 好彩唔使返工!! 之前都有諗過如果青馬大橋有乜問題, 成個機場同東涌都廢哂武功, 咁當然冇乜可能, 除非有恐怖襲擊. 而家雖然仲有東涌錢通到, 但呢樣真係北大嶼山嘅弱點...
夏天終於到, 我最憎!! 香港夏天又熱又濕, 好討厭!! 我諗游水會舒服過踩車好多. 記得上年踩車一支水真係好唔夠, 所以想睇吓有冇快拆水壺架呢樣嘢, 一來我兩架車只有一個水壺架位, 二來踩短途或冬天唔使咁多水可以隨時拆冇咁重. 上網問吓人做吓 research 終於比我搵好啱用嘅 Minoura QB-90, 佢正在一個扣攪掂, 而且可以將自己喜歡嘅水壺架裝上去, 我順便買多個我喜歡嘅 Bontrager 水壺, 加埋之前響 LG 只用部過兩次冇用嘅 Elite Patao 碳纖水壺架真係 fit 到漏!!
沒有留言:
發佈留言