牛一就要賀一賀, 一連請五日假休息吓... 第一日就返大陸, 呢次係第一次同 Carmen 阿 Moon 佢地上, 主要係同佢地兩 pair 人睇響深圳影嘅婚紗相影成點. 呢次上竟然有阿耀舅父架中港牌 Toyota Alphard, 咁上又快又方便, 真係第一次咁上... 至於婚紗相就出奇地好正喎!! 雖不致於驚天地泣鬼神, 但都一定好過最近呢年睇果幾輯台灣貨好多, 完全唔需要考慮響台灣影!! 我同 Catherine 陪佢地睇咗一陣後就過對面水都國際健康俱樂部揼肯因為咁啱有 coupon... 呢間嘢正就正, 乜都有不過幾貴... 玩好啲我寧願返宏昌, cheap 嘅有華清池. 揼完過返婚紗舖樓下大漁福田分店大拆一輪, 原來唔同分店啲嘢係有少少唔同, 圖中隻蛋國貿站果間就冇!! 
沒有留言:
發佈留言