大召集

Facebook 大熱, 除咗揾返好多舊朋友外, 群組都係一個比有共同興趣嘅朋友聚腳嘅地方. 我都加入咗好幾個同我興趣有關嘅群組, 當中香港 Dahon 單車聯盟係小弟建立, 果度人數唔多, 而且有部份係外國人, 所以之前都好少入去睇. 不過早兩個月有位朋友響果度好活躍, 傾傾吓先知原來佢係我同 form 唔同班嘅中學同學, 佢想搞個車聚, 於是我幫手響群組開個活動召集一班 Dahon 粉絲嚟個大尾督慢轆團, 當然亦有到我成日浦嘅香港討論區單車版
度宣傳一吓. 到當日都有十五六部車參加, 都幾熱鬧. 成班到大埔昌運中心豆漿大王食個午飯就到大尾督影相交流一番, 當中仲有團友拍埋高清影片.