堅持

好日都唔去捷成, 一去就唔見錢...

買咗一堆唔等使嘢, 仲有咁啱見到高禮澤響度買嘢, 可惜我部 Ricoh GR Digital II 入咗廠整前轉盤, 變咗冇隨身機冇得合照.

話說我不嬲有對士啤芒果呔, 上次林錦落斜大炒湯咗條頭, 果陣全香港冇貨好彩芒果呔呢類損耗角器性罕物有儲士啤嘅習慣, 咁用咗一條剩返一條. 好彩上次搞 Facebook 團聽狗爺講捷成有, 咁沉日去開咪買多對, 不過已經係炒價 $360 條!! 冇計... 架車鬼叫我堅持用呢款呔咩!! 此外, 不嬲都想將 seat clamp 同轆快拆仲有呔咀 cap 轉橙金色靚仔啲, 咁果度有就順便買埋. 比錢果陣問咗老闆娘幾次對快拆啱唔啱大行用, 佢死都係話啱, 點知今朝返完通宵收工都係要去換, 去到仲未開門, 好彩等咗十分鐘老闆娘踩車返到...