跌眼鏡

賴輝上次元朗團之後已經話想再上大漁食鐵板燒順便睇單車, 不過最後咕咕提議試新嘢, 同樣係鐵板燒日本料理叫鳳山鐵板燒日本料理, 型式其實同我嘅至愛大漁差唔多, 只係多啲垃雜嘢食例如生蠔咁解... 任食當然喪叫, 食物質數一流, 個個都讚不絕口! 只係唯一一樣係冇大漁咁就腳…

行程另一個目的當然睇單車, 目的地一樣係樂園路同華強南路. 樂園路一向有個開驚人價嘅賣點. 今次唔例外, 口痕問吓標 RMB$9500 嘅 Dahon Mu SL, 佢地一開就 RMB$5800, 冇得再還價亦唔預你還! 計返港幣 $6600, 我自己都嚇咗一跳!! 不過冷靜落嚟諗吓再買多架托咩!! 咁算啦… 但全場最孤寒嘅小龍竟然話買, 仲係實牙實齒果隻, 即時令全場大跌眼鏡!! 可能上次元朗一役, 佢發現輕量化嘅車會踩得輕鬆啲... 而大洗嘅我竟然一啲收穫都冇!!

見到小龍有新車我都戥佢開心, 哈哈! 真係毒海無涯!