見細佬買咗支 PENTAX DA 21mm F3.2 AL Limited 有啲心癢癢, 之前唔太鍾意呢支鏡, 唯一嘅原因係嫌光圈唔夠大. 不過焦段響 APS-C 嚟講約 32mm, 慣咗用 28mm 嘅 Ricoh GR Digital 2 snap 嘅我非常啱用, 加上特別喜歡 Pentax Limited 鏡嘅質感同體積小, 而且 Pentax 唔知係唔係廠方自信新機太強, 所有鏡加哂價, 特別係 FA 鏡如三公主, 加幅特別嚇人, 最後好彩仲可以以舊價入手呢支掃街鏡. 之前求其試咗一晚真係好用, 我仲發現近攝食物都可以, 掃街真係一流!! 如果配合體積更細嘅功能更強嘅 Pentax K-7, 真係玩 snap 嘅強勁組合.
我部 Ricoh GR Digital II 有出名嘅入塵問題, 一收細光圈顯然易見, 整就未必因為驚再入塵. 有考慮 Panasonic LX3 代替, 不過想睇埋六月十六日 Olympus 發佈嘅 DC 型 micro 4/3 機先. 講真, 睇睇吓 Pentax K-7 想一出即入, 用佢嚟 snap 又如何呢?
沒有留言:
發佈留言