想買返部 PDA

學士多豪話齋:"姣婆始終守唔到寡". 當初賣部 Dell X50v 主要因為佢一裝得多嘢就唔 stable, 有時一日 soft reset 幾次. 第二, 仲有就係我想玩新嘢, 趁仲價高就快放.

而家有幾個 choice, 一係等 P990i, 不過有排. 如果唔用 P990i 我都想 keep 住部 K750i, 因為 SE 個 interface 太正, 怕頂唔順第二隻牌子, 好似上次部 902 咁... Snapshot DC 都係唔再買住, 因為張 1GB 卡同 Touch 線控駁 Panasonic in-ear headphone 真係一流後備 MP3 機加 snapshot DC. 如果咁就有兩部諗吓, 一部係 Dopod 838, 佢係比 O2 mini 更正嘅 smartphone, 有 WiFi, BT, WM 5.0 仲 support EDGE (呢樣對我好有用). 咁有 K750i 又點解買 smartphone?? 因為我想開多張 Peoples 卡專係用佢嘅 $128 無限 GPRS, 想用 EDGE 又唔想 occupy 咗條線, 用 EDGE 可以任何地方上網之餘又快 GPRS 幾倍. 仲有一樣就係影相功能應該冇 K750i 咁好. 不過 Dopod 啲機實在太貴, 838 連埋 1GB mini SD card 都成 $7000!!! 所以多數買 Palm T|X, 因為賣$2180 實在平靚正. 佢黑色又襯 K750i, 又雙無線 support 2GB SD card, 比 T5, Lifedrive 同 X50v 更 stable. 缺點就係 Palm OS 冇 WM 咁先進尤其是冇 multitasking. Multimedia 又略遜一籌, 不過而家播片有 TCPMP 比我之前部 Tungsten T3 好好多. 點解唔買 X51v? 因為佢而家用中文外掛有問題, 其次係唔想駛咁多錢.