好運

攝影方面唔計 snapshot 最鍾意影風景同人, 所以會比較捨得買之前講過嘅超廣角同 snapshot 嘅黑三一仲有人像用嘅黑四三. 所謂影人像都係幫 Catherine 影, 自己另半靚同可愛特別有心機影!! 買咗部相機成四個幾月今次先叫正式影返輯相. 呢次又係返老家, 住就唔住屋企, 響中旅社買 package 住皇家金堡酒店, 呢間嘢真係平靚正!! 出乎意料之外!! 至於影相都係果啲地方. 值得一提魚人碼頭整得幾正, 我地去咗一間食 BBQ buffet 嘅地方, 環境同啲燒物都勁正, 尤其是我最鍾意嘅牛羊, 好味到爆!! 本應第二日日頭想返魚人碼頭影日頭相, 可惜落大雨, 唯有下次... 仲有我地今次到永利玩, 用 $100 起家買大細最後贏嘅錢可以比我地買 package 地去多三四次都得, 真係好開心!! 上次贏咁多錢係好多年前同初戀女友玩老虎機贏咗 $5000. 返到香港睇佢個 blog 先知佢同男友又係去完澳門慶祝生日, 同佢傾咗一陣 msn 先知原來佢地早我地一日去, 又係住果間酒店, 只係我地到果日走... 我搭 1:30pm 船 check-in 都成三點所以撞唔到.