從大埔搭火車返屋企竟然撞到九巴 Roadshow 簡唔中見到嘅獨立歌手吳彤, 我一向都好支持 indie 界, 有少少想同佢傾吓計, 不過佢同朋友一齊所以廢事... 點知原來佢自己一個響大學站落車兼等 87K 返馬鞍山. 於是聊佢傾計, 短短車程同佢傾吓音樂上嘅嘢, 我仲提起 Bryan 佢地隊 BACK. 吳彤佢個人好 nice, 可能我又識得佢啲歌所以比較好傾. 最後佢比咗佢自己攪嘅唱片公司 email 我, 叫我叫佢地 send 啲 demo 比佢地聽吓... 一向都知 Bryan 阿堅同細聰不斷為自己嘅夢想而不斷努力, 希望就算唔可以同佢地玩隊 band 都可以幫到佢地手咁就好!!其實我一路都仲想同佢地一齊玩, 耐何返 shift 好難夾埋一齊練習... 之前 Bryan 佢地仲成日當我係一份子日日 forward 隊 band 有關嘅 email 比我, 當時覺得蒙佢地錯愛真係好慚愧, 所以同佢地講唔好再預我, 唔想成日拖住咁, 況且嚴格嚟講其實我只係佢地嘅 guest vocalist 嚟姐!!
我都有個夢想但冇佢地咁遠大... 能夠有隊 band 響 indie 界薄有名氣就夠, 唔再玩 cover 有自己嘅歌響網上發表, 好似啲相咁有人識欣賞已經好滿足... 呢啲響幾年前都同佢地講過.
沒有留言:
發佈留言