側田

好耐都冇咁迷一個歌手, 鐘意音樂同唱歌嘅我對於音樂方面有才華嘅人勁有好感, 尤其是結他同唱歌方面. 早排響電台聽到首幾好聽嘅歌但又唔知邊個唱, 之後同 Catherine 響荃灣行街又再聽到, 平時成日發夢嘅佢竟然答得出係一個叫側田嘅人唱, 咁就得嘞! 我鎖定咗目標成日留意收音機, 原來果首歌叫 "好人", 首歌 melody 勁正, 佢又唱得掂. 上 WinMX 又 download 埋 "命硬" 同佢作比古巨基嘅 "傷追人" demo, 首 demo 係英文歌詞, 嘩... 佢唱得仲正過古巨基, 真係勁!! 我再上網搵料先知佢幫過古巨基 concert 唱和音, 仲有佢其他寫過嘅作品有黎明嘅 "不可一世" 許志安嘅 "失眠都要睡" 劉浩龍嘅 "二等天使" 同有作為今年新人對手嘅應昌佑新歌 "逢星期四" 和"24".

我好耐都冇買過正版碟, 呢一隻係必買!!!