加油員

做咗咁多年飛機, 由於公司擴展業務唔夠 fueler, 終於都要我加入呢個行列. 講真加油唔難, 但一定唔可以大意. 仲有萬一爆咗鑊要知點做. 早幾日響文哥適心教導下, 仲有跟咗幾位同事實戰, 而家大置上 ok. 今日自己加咗兩架短途機, 唔知係唔係新屎坑, 我覺得幾好玩, 成個人好積極咁想試多啲, 想快啲上手. 我自問係一個怪人, 唔鐘意做嘅嘢係冇人迫到我, 相反我好想做嘢係會不惜一切唔理後果忘我咁做. 仲有我某啲嘢係好鐘意完美同整齊, 例如我心愛嘅玩具唔可以有花要好乾淨. 又例如 PPC 入面所有嘅 menu 同 software 要好整齊, 唔可以亂同有多餘嘅嘢. 甚至 PPC 同手提電話嘅 contact 要井井有條, 有少少瑕疵都唔開心. 今日加果架韓亞 747, 第 1, 3, 4 tank 都加到一樣, 第 2 就加多 300 lbs 比 APU, 幾正!! 當然呢啲嘢對於資深加油員嚟講係碎料, 但對於我嚟講就有少少滿足感咁囉.

頹廢嘅我好多年都冇呢仲感覺囉...