所有行李已經收拾好, 聽日出發!! 除咗家俊外, 隊員係 98 年第一次東京之旅嘅成員. 基本上除咗 Judy 外 (佢啱啱先去完), 同上次迪士尼嘅隊員一樣, 都幾興奮!! 今次去玩之餘仲想買返啲中古 DC, PS2 同 XBOX game, 仲有 KM 定焦鏡或者淺藍色 NDS Lite. 大吃大渴當然走唔甩, 尤其我至愛嘅壽司. 我當然會帶埋 838, D5D 同 FX9 去啦.
返香港果日咁啱 XBOX 360 行貨出, 連期待已久嘅 Ghost Recon : Advanced Warfigher 行版一齊出, 超期待!! 行貨有贈品送. 呢隻大作外國好多 game 網都評佢超過 9 分, Tom Clancy 牌頭嘅 game 我全部動鐘意. 下個月仲有 XBOX 360 嘅 N3 同 BF2 : MC, 破產!!
公司第二次嘅逃亡潮又開始, 呢次好似比上次勁!! 雖然公司有啲人幾麻煩, 但見到呢啲情況都幾稀虛... 老實講, 呢度同以前果間唔同, 會成日拍唔同嘅人做嘢, 拍得多少都好, 唔多唔少都有啲感情, 老套啲講真係有少少唔捨得... 但正所謂人各有志, 天下無不散之筵席, 唯有祝佢地生活愉快啦. 而家做完嘢返到休息室裡嘅同事我講得出個名嘅人越來越少...
返嚟再寫過!
沒有留言:
發佈留言