2006年6月1日

鍬蟲拉打


幪面超人我每一年都追, 今年適逢幪面超人三十五週年嘅 Kabuto 暫時都 ok. 戲中有個叫加賀美嘅主角, 佢係好有正義感加缺乏少少自信又帶有少少傻氣嘅人, 佢細佬比 worm 殺咗, 所以加入 ZECT 對付 worm. 佢一路都好想做拉打, 但 Kabuto 唔選佢因佢唔夠強, 後來做過吓 The Bee. 近來原來除咗第三隻 Drake 同第四隻蠍子外, 仲有第五隻好型叫鍬蟲, 佢個樣好似 Agito 隻 G3X, 適能者竟然係加賀美, 真係不得了!!

早兩日唔小心跌咗部 838 落地下花咗, 原來張 2GB mini SD 都跌埋都唔知, 好彩我唔興拍私人四級片同相, 但都有幾百張去旅行嘅相響裡面. 跟住梗係即時死死地氣落旺電買番, 雖然近排所有 memory card 都平咗好多, 不過都唔見五舊. 本應想索性換 Nokia N80, 不過用慣 PDA 電話嘅朋友都知好難返轉頭, 於是做咗件好變態嘅事... 就係嘅上 Yahoo 放咗部花咗嘅 838, 再 bid 番部幾乎全新嘅 838. 自問自己果部未跌之前都 keep 得好好, 但呢部真係一啲花都冇, 個 slide keyboard 又緊又齊料!! 上一手真勁, 用咗半年都可以 keep 到咁, 學個賣家話齋拎番上百老滙當新機賣都得. 呢個變態行為計過我前後都係補舊零水, 當換全機機殼囉! 真係抵... 點解唔試吓 O2 Atom 或 HP 新出同 Atom 一個呀媽生嘅 6828?? 因為佢地係就係快啲, 但啲電一日就冇唔够用. 而且我真係好鐘意 838 個 keyboard 同超強電量... 仲有 PDA 電話如果識用到盡嘅話實在太好用, 尤其是我可以無時無刻用佢上網睇網頁, 上 Yahoo bid 嘢呀收 email 呀咁, 當然最重要係用佢嚟計油數啦. 思前想後 N80 就算做到都冇咁方便, 因為冇 touch screen 同 QWERTY keyboard. 我有諗過買同 838 一個呀媽生嘅 O2 Mini S 或 Qtek 9100, 不過先達賣嘅九成九係德版 QWERTZ keyboard, 成 $4000 又冇保養都係算把啦...

最近身邊好多人買 notebook, 我推介咗阿欽同細佬買 Dell, 雖然個樣薯啲, 但勝在非常抵玩. Dell notebook 反而我覺得文哥果部 12 寸幾靚仔, 不過我唔鐘意佢唔係行 Intel Core Duo. 其實我一路都想買部嚟代替部三四年冇乜點 upgrade 嘅 desktop, 心目中暫時有兩部, 一部係黑色 MacBook, 另一部係 HP Pavilion dv8209TX. 其中比較偏向 HP 因為佢個 spec 夠用幾年同非常抵玩, 頭先響大埔 Jusco 問過佢照價再送多 512MB 共 1.5GB, 好毒!!

三月去東京秋葉原搵唔到嘅 XBOX The House Of The Dead 3 同 PS 2 嘅 Battle Gear 3, 竟然頭先比我搵到全新! 唔好話全新, 而家連二手都超難搵到... 不過我搵到呢兩隻每隻都過三百, 好鬼溶所以冇入...

1 則留言:

Horace Chong 說...

Battle Gear 3 我有喎, 原裝架, 要就搵我 me@horace.info

給十年前的我

我估應該都唔會再有人睇呢個 blog... 成差唔多十二年冇再 update 究竟呢十年發生咗啲咩事?我可以話俾大家聽我嘅人生都係一塌糊塗... 我依然都係呢間公司做,最長呢份工做咗到十一二年左右掛,胡呢糊塗由初初諗住做個 hea 霸變咗做個掃把,最近仲轉部門轉咗一個唔使掂飛機...