HTC Hermes

我至愛嘅 Dopod 838 將會響呢一兩個月出後繼機, 同樣係 HTC 出品代號叫 Hermes. 主要進化係 UMTS 3.5G (HSDPA), 二百萬像鏡頭同 Samsung 400MHz CPU. 個 spec 除咗用 micro SD 外真係完美但恐防一出又係天價, 如果放部 838 再要補三千幾咪好似好唔抵?? 而且香港未有 3G 無限上網 plan, 都係用番 EDGE, 睇怕都唔會即買, 反正暫時部 838 都好夠用. 我諗 838 係我用咁多部電話同 Pocket PC 中最鐘意嘅一部, 如果唔係都唔會做出之前所講嘅變態行為. 咦??? Sony Ericsson 果部 P990i 呢??? 影都冇埋... Hermes 出都未見佢有聲氣, 好彩冇等佢. 今時今日佢個 spec 雖不至 out 但已經唔再吸引.

PSP modchip Undiluted Platinum 終於面世, 唔使好似 XBOX 咁買正邪各一部. 不過其實正邪一黑 (v1.5) 一白 (v2.7) 都幾正喎! 可惜 PSP 冇乜正 games 值得我咁做... 點都好粒 modchip 要成 US$90, 比多少少買部二手 PSP 都得啦...

啱啱睇咗一半響三月東京旅行嘅短片, 真係好玩又開心, 而家仲好回味. 嚟緊兩日 dayoff 要 edit 起佢, 再 convert 落 838 度, 希望 convert 後嘅 size 唔會好大. 睇完特別掛住 Catherine... 唉... 今個月返中真討厭!! 討厭在成日比哂佢好少見 Catherine 之餘又要晚晚收工搭唔到冠忠要 call 的士落旺角再轉極速亡命小巴返屋企.