邊部好??

高科技嘢真係越遲買越好, 諗多兩日又多個選擇. Dell 自從收購 Alienware 後嘅 XPS 系列, 比較靚仔之餘個 spec 去得盡啲同埋一樣抵玩. 新出嘅 17 吋唔講因 over 哂 budget. 12 吋嘅 M1210 config 響 notebook 嚟講好強, MacBook 可以行埋一邊. 其間我亦有諗過 Mac mini, 平啲又配埋我隻 Philips 200WCS 勁爽, 好過買二手 G4 Cube 嚟 upgrade, 雖然佢同我部枱燈一樣够經典. 始終我都係貪心想同時行 WinXP 同 Mac OS X... 但行 Intel Core Duo 嘅 Mac mini 似乎貴咗少少. 如果 Mac mini 去馬我會買埋 LaCie mini Hard Drive & Hub 300GB, 部枱燈繼續做 server, 因為佢 multimedia 方面尤其是執相同剪片好吃力. 仲有買就會等多一兩個 revision 先, 佢而家粒 CPU 只係 1.66GHz 同下個 OS X (v10.5) 先有Boot Camp 正式版. 點解堅持用 Mac?? 我唔係為咗潮而用, 相反有啲人真係咁所以用唔慣後悔. 我愛死 Mac 但又唔能够冇 Windows. 而家 Intel Mac 加 Boot Camp 就啱哂我呢啲人.

我好欣賞教主 Steve Job, 欣賞佢嘅先見之明同夠狠!! 從 OS 9 轉到 UNIX based 嘅 OS X 同由 Power PC 轉 Intel 可見一斑, 正所謂成功者當機立斷就係呢種. 我不嬲都認為今時今日我對電腦嘅瘋狂同功力都係拜佢同我爸爸所賜, 因為我第一部電腦係響我讀小五爸爸買比我嘅 Apple II+, 由果一日起就同電腦結下不解之緣.