睇定啲先

呢幾日都係試緊有乜 NDS games 好玩, 而家裝咗三十隻 games 左右, 有排玩!! 當中有幾隻係 GBA games. 仲有啱啱 update 埋 EZ4-micro SD 個 core, 大致上都係 bug fix.

至於電腦升級計劃暫時都係睇定啲先, 我做過少少 research, Boot Camp 對某啲 USB devices 未支援, 我仲見有啲人有 WinXP 藍畫面, 唔知佢裝錯嘢定點, 始終 Boot Camp 都仲係 beta, 冇計... 次選 Parallels Desktop 雖然可以 under Mac OS X run Windows, 不過聽聞速度爭少少... 本來上星期響 Yahoo bid 咗部行 Intel Core Duo 嘅 Mac mini, 最後都係唔想搏所以暫時告吹, 唔想煩!! 反正我部 PC 同 Mac 都好仲地地, 唔使咁急嘅, 忍一忍先!! 話雖如此我成日都留意啲價錢, 例如 Dell 開始冧價送乜送物, Apple 借學生開學買 Mac 送 iPod nano 玩 rebate 散貨... 我估可能快有新款出. 另外, 二手市場我都有留意, 尤其是 iBook G4 同 PowerBook G4. 以某本地 Apple forum 嘅二手區為例, 啲人仲緊夢將啲行 G4 嘅 notebook 賣到好貴, push 完又 push 個 post 都冇人要... 鬼咩, 而家買 G4 都係貪平過渡吓, 你個價企得咁硬搵鬼買!! 以 Intel 不嬲出 CPU 嘅速度嚟睇, 如果 Apple 照跟, 啲二手價遲啲仲死. 買機當然如果 long term 都係買 Intel Mac 穩陣, 尤其是教主 Steve Jobs 咁狠, 好快收 G4 皮, 收皮嘅意思係再冇 PowerPC 嘅 OS X 同 apps. 而家唯有執執部 PC 個 harddisk, 將唔用嘅 software 同 games 剷走清吓垃圾咁囉.

又講番相機, Panasonic DMC-L1 下個月尾出定價二十五萬日元, 咁嘅價錢我不如買 Nikon D200, 不過都係睇吓 Sony 跟住出咩機先, 期待 Konica Minolta Dynax 7D 嘅後繼機... 其實睇完 Sony 最近響 DSLR 嘅雷霆萬鈞之勢, A100 係就係刺激唔到我, 但可以睇到 Sony DSLR 同 Alpha mount 鏡頭前景幾樂觀, 唔樂觀只係自己個荷包... 我多數都唔會轉 system 住.

最後, 要同網友 Horace 講聲唔好意思, 唔記得燒果套講 Steve Jobs 同 Bill Gates 起家嘅 Pirates Of Silicon Valley 比佢. 熟識我嘅同事同朋友都知我成日唔記得應承過佢地啲嘢, 通常都係燒碟呀 send 啲唔知咩網址呀, 太多人叫我所以咪咁囉...