劇毒

上次講過 Parallels Desktop, 啱啱睇咗一段黑色 MacBook 極速轉 OS 嘅短片, 身為忠實蘋果迷兼電腦痴嘅我如身中劇毒一樣!! 嘩!! 諗都冇諗過轉 OS 可以用 Mac OS X 嘅 Fast User Switching 形式咁去轉, 實在可怕!!

Dopod 9000 終於響台灣推出, 外形比 Dopod 838 更型, 唯一唔鍾意就係佢用 micro SD, 其餘簡直係 838 完美版.

沉日到高登附近嘅相機舖, 見到富士機皇 FinePix S3 Pro 二手行貨 $8800, 真係有一刻咁多心動轉 system... 點解?? 以前擁有過一部 FinePix S602z, 佢嘅成像顏色係直至而家都仲係最鍾意, S3 Pro 亦一樣... 我睇過網上好多佢嘅 samples 真係好正. 唔知點解我不嬲都好唔鍾意用 Photoshop 執相, 我覺得啲相要後製真係幾冇意思, 咁如果廣告呀果啲就梗係冇得好講啦... 如果唔係吓吓都執浪費時間之餘自己影得好唔好第日睇返都唔記得. 我自己部 Dynax 5D default 啲色都比較淡, 要鉋飽和度 +1 先似番啲樣. 我呢兩日去兩大本地 DC 網站做過 research, S3 Pro 而家有改版將 buffer 由 128MB 加到 256MB, 仲有 update firmware 先用到 Nikon AF-S Nikkor 18 - 200 mm f/3.5-5.6G DX ED VR. 好多人響香港買 S3 Pro 都係水貨, 事關代理係廢嘅, 壞機同 upgrade 都用 DHL 送去日本攪, 係就係要多啲錢, 但一定好過比代理攪, 至少快好多. S3 Pro 全新行貨 $13000, 呢個價買 Nikon D200 好過, D200 而家都只係 $12000.

沉晚終於的起心肝用 iMovie HD 剪好東京旅行啲片, 馬馬虎虎咁啦, 可以再好啲但要用多好多時間. 第一件事就想轉落 838 度睇, 唔知轉出嚟有幾大, 就而家用 iMovie HD 整出嚟個 file 都要成 9.3GB... 講開拍片都有諗過將部 Panasonic LUMIX FX9 轉 Sanyo Xacti HD1, 不過一諗到拍完啲片吓吓要剪真係冇咁嘅心機同時間, 所以都係算吧...