人數終於過 10000!! 呢個 blog 不經不覺都開咗成年, 唔知幾時我唔會再寫呢?
Magic 響影相嚟講係指天色好靚果刻, 張相係沉日開工用 FX9 影, 雖然構圖唔多好, 但志在 capture 果一刻... 其實分零鐘之前仲靚啲, 最衰係相機唔響身. 類似嘅相都影過好幾次, 下次再 post 過. 生活同工作實在太悶, 好在呢個世界有好多好似呢啲咁靚嘅嘢, 所以我好鍾意影相, 其實不如話 snapshot, 可以即興記錄低佢, 人係好善忘, 攝影真係人類其中一樣偉大發明.
上次旅行段片剪完轉咗 DVD 比咗個 copy 比阿駿睇, 佢地兩公婆都話好, 仲話隻 DVD 係旅程完滿嘅句號, 見到佢地睇完咁開心, 我仲開心!! 美中不足嘅係用 FX9 拍, 畫質麻麻, 尤其是響大電視睇. 仲有部枱燈剪片真係有啲吃力, upgrade 真係有必要.
終於轉更下個月返早, 又有班加幫補吓, 實在太好!!
沒有留言:
發佈留言