讀書的藝術

自從同上一個女朋友分手後就好少聽本地流行歌, 因為佢以前好鍾意聽, 成日上網 download 成日播, 我不愁冇歌聽... 而家唯有聽返以前最鍾意探索嘅種類.

記得以前中學讀過一課書叫讀書的藝術, 內容其中一段大慨係講唔同年齡唔同階段對同一本書嘅感受都唔同. 以前細個都體會唔到, 近呢兩年終於知道係咩嘢一回事. 就聽歌而言, 以前接受唔到嘅 Japan 最近成日煲, 主音 David Sylvian 唱腔鬼佬嚟講幾特別, 不過響 jrock 界就好常聽到. 無他嘅, 好似 LUNA SEA 嘅 SUGIZO 都係聽 Japan 同 David Bowie, 所以以前啲 visual band 唔多唔少都係學 glam rock 同 art rock. 我都係因為 SUGIZO 先接觸 Japan. 佢地啲歌我其實好耐之前已經 download 哂, 聽咗一兩次唔啱聽儲起咗冇 delete.

另外一個近期喜歡嘅就係 Pink Floyd 嘅 David Gilmour. 呢位阿伯以前頭髮長長都幾型, 手結他好有味道. 我係響最近電視睇到佢嘅 live 先重新再研究佢啲歌. 我諗聽聽吓就會返轉頭聽 Pink Floyd... 會唔會太遲呢??

之前講過關於天份, 早兩日睇咗段片, 內容係一個十一歲嘅小妹妹參加 America's Got Talent 嘅精采演出, 天份其實真係幾重要. 我好記得以前o靚仔做學師果陣, 唔記得攞錯架生定螺絲比師父, 比佢勁鬧話我唔適宜做呢行, 果陣好 hurt 架, 所以好記得. 重有細個果陣爸爸帶我到機房, 果度又嘈又污糟, 我果陣時就諗第日大個一定唔會做呢啲嘢! 結果... 都係宿命... 做一個 Catherine 阿爸話齋嘅高級機器佬 (所謂), 不過好睇唔好食... 上個月響我果 team 啱啱走咗嘅 assistant mechanic 阿強臨走前同我講過話以我呢份要日曬雨淋嘅工, 響出面唔止搵咁少... 仲有 Catherine 又係咁講類似嘅嘢... 的而且確, 我一向都知我呢份咁專業嘅工作人工一啲都唔專業, 只不過一有人提起個心就唔舒服, 尤其是出自自己女朋友, 唔多唔少有一定嘅壓力...

唔... 好似越講越遠...