Dopod 900 一向都比人認為係揸住隻拖鞋講電話, 我都係咁話. 不過純當佢 PDA 用都幾正, 佢雖然大部, 但唔大過 HP iPAQ hx4700 幾多. 之前我都話屎忽痕要買返部 PDA 上網, 考慮方案不外乎 PDA 電話直接上或者齋 PDA 用 bluetooth 經 K800i 上. 前者諗過用 Dopod 818 Pro, 但佢只係一部冇 keyboard 嘅 Dopod 838, 有少少無謂. 第二就係 Mio A700, 賣點只係我貪過癮玩吓嘅 GPS 同 520MHz CPU, 但個樣麻麻, 跟住先到拖鞋皇... PDA 經 bluetooth 就諗過至今仍然係 HP 機皇嘅 HP iPAQ hx4700, 至衰佢行 2003se, 同埋免費 Windows Mobile 5.0 upgrade 又只有英文版. 最想用就係 Acer N300, 靚仔得嚟個 spec 又唔差, 仲要最近做緊 promotion. 入手拖鞋皇只係 last minute 嘅事, 始終 PDA 電話上網方便好多好多, 所以最後係揀 Mio A700 同 Dopod 900 是但一部... 以我性格嚟講 afford 得到當然用最好, 大部啲都咁話, 話哂佢都係 PDA 電話嘅機皇!
簡單講吓用咗一日嘅感受... 我最擔心放唔入制服衫袋, 點知又啱啱好冇多冇少. Performance 方面一定快過 Dopod 838, 雖然唔係超快因佢行 VGA 之餘又冇 Dell X50v/X51V 咁有 Intel 2700G video 加速, 但唔 support EDGE 嘅情況下上網依然暢順, 實際唔比 EDGE 慢幾多, CPU load 網頁快應記一功. 仲有 3.7 吋 VGA 睇網頁唔錯, 我諗可以用埋以前我用 X50V 時果個 se vga 行真正 640 x 480 仲正! 至於 keyboard 比 Dopod 838 更就手好用, 當然因為佢大好多嘅關係啦. 另一樣我好關心嘅電量, 雖然唔夠 Dopod 838 粒 TI OMAP 850 慳電, 都總算合格! 我想試多兩日勁上網睇吓使唔使買多舊士啤電先... Software 方面, 返嚟梗係 update 最新 rom 先啦仲改駛講嘅!! 其他就裝返之前不嬲用開果啲, 全日非常 stable.
對於一個好似我呢種電腦癡嚟講, 可以無時無刻在線嘅 Pocket PC 真係最啱, 仲有一樣好重要就係我最鍾意睇相同影片尤其是旅行啲相同片段, 有 keyboard 又可上網嘅 838 同 900, 佢地先至係真真正正嘅袋中電腦.
阿殷頭先比部 PSP 比我由 2.6 downgrade 返去 1.5, 我覺得佢對我有絕對嘅信心, 所以我唔會令佢失望, 十分鐘就攪掂, 一啲難度都冇! 反而阿駿無啦啦又話諗吓先, 希望佢唔係驚整死部機縮沙啦, 如果係我就幾失望.
沒有留言:
發佈留言