開始留意 Pentax 就成日聽到啲 fans 提起風度攝影器材有限公司, 由於位於偏遠嘅紅磡廣場, 所以從未去過.
入到去發覺比新三共環境好好多, 格局同一般商場仔嘅相機曬相舖差唔多樣, 尚算寬敞企理. 老闆李先生非常誠懇有禮, 而且非常健談, 對攝影又好有心得! 仲有一樣佢我一樣係堅持唔執相, 我同佢講話執相並唔係藝術佢都好讚同. 言談之間得知佢開業巳廿幾三十年, 用咗 Pentax 亦超過廿年, 十足係忠實擁躉! 佢亦都同香港代理關係密切, 所以連萬眾期待嘅 K10D 佢都攞過上手玩. 阿賢同我當然問佢有乜感想啦, 佢話手感非常好, 造功一流, 仲話好耐都冇見過 Pentax 出部咁正嘅機, 就算當初 Pentax *ist D 推出時都比唔到呢個感覺比佢. 跟住梗係問成像啦! 佢話因為係 pre-production 嘅關係所以不便 comment, 但傾咗一陣 K100D 佢唔小心漏咗口風話成像比 K100D 靚一倍喎!!! 嘩!!! 雖然用靚一倍來比較成像係好虛無飄渺, 但段估都應該好勁啦!!
呢次到訪阿賢同我都不約而同落定 K10D 同黑色 FA 43mm f/1.9 Limited, 我地都對 K10D 好有信心所以入定啲鏡先, 尤其是果三支至尊三寶 (31mm/43mm/77mm) 據聞停產. 以 Pentax 比 Minolta 貨源更緊張, 如果 K10D 真係咁利害真係會有搶鏡嘅熱潮, 到時想買都難. 李先生都認為係非常聰明嘅做法, 反正有幾支鏡都預咗買, 錢又預咗嚟咁用, 遲又買早又買不如趁啲人未癫就快啲入手.
最後值得一提老闆位小千金人靚字靚幾乖幾幫得佢爸爸手, 抵讚!!
4 則留言:
哇，有靚女添呀，有冇影佢D相黎睇下呀？
冇呀, 掛住同老細吹水... 况且三九唔識七冇理由無啦啦影人地.
Will you please tell me how much did you pay for this pre-sale order, Thank You, My email is nicholasthlam@gmail.com, I want to make the same order too.
Thank You , W W , best regards.
發佈留言