由細到大都鍾意打機嘅我, Asia Game Show 一定唔會錯過, 今年都亦都唔例外. 冇希望之下一入場真係比 Sony 個 booth 嚇親以為好勁, 點知除咗 Sony 外都冇乜嘢睇, 竟然連 Microsoft 都冇!! 今年 model 質數又唔掂... 不過無論點都會去嘅. 頭先撞到 Simon Wong 一個人添, 前日又響星際撞到佢, 又係一個人, 下次佢應該搵埋我去.
原本諗住去完 game show 成班去食 buffet 兼交換聖誕禮物, 點知一個二個臨時有事放飛機!! Amy 唔舒服冇辦法, Judy 係發起人見利忘義加班搵錢, 阿賢仲衰! 梗係話返屋企食飯, 提早做節喎... 攪到得返四條友食. 不過見阿賢送咗支 Pentax DA 40mm f/2.8 Limited 當補送生日禮物就算啦... 咁大個仔都未試過收朋友咁貴嘅禮物, 所以冇啲唔好意思, 就算咁 friend 都咁話. 雖然我有 FA 43mm f/1.9 Limited, 支 DA40 我係會主要落響 Super Program 度, 細上加細出街 snap 方便, 呢支數碼餅鏡正在落菲林機係冇成像架!! 真係萬分多謝阿賢!!
影完 game show 散水返屋企, 由於相機袋放埋 DA40 個盒滿哂放唔落部 K10D, 部機唯有長期掛頸. 你地知今日又成日落雨加上冇遮, 順便試吓佢嘅防塵防滴機身嘅防滴功能, 廠方話機身七十幾條 seal, 垂直手柄 (直度) 都有三十幾條, 所以我由得佢比雨淋. 返到屋企索乾冇事正常!! 正!! 除機身外, 今日啲相 OK 啦, 顏色好正, 對焦又夠快, 真係非常好用!! 只係未掌握支 Nikon 閃燈嘅輸出攪到影時雞手鴨腳.
經過三日搬網上相簿, 而家巳經攪掂哂, 自家用 server 將會關閉. 除咗轉網上相簿外, web browser 我都的起心肝轉做 Mozilla Firefox 2 唔再用陪我好多年嘅 Internet Explorer. 其實響九六年我啱啱用 internet 時係用 Netscape, 用咗幾年先轉 Internet Explorer. 呢次轉 Mozilla Firefox 2 係因為 Internet Explorer 似乎響 Windows XP 上唔會再進化. 而 Firefox 2 我最鍾意佢好似 Safari 咁有 tab browsing 同每次開佢會自動幫我 load 返上次 close 之前嘅所有網頁.
沒有留言:
發佈留言